Në 2020 qytetarët do të mund të bëjnë rivlerësim të banesave duke i sjellë ato në çmimin e tregut dhe duke përfituar ulje të tatimit nga 15 % në 2%.Edhe pse në paketë dhe në buxhet nuk ka detaje në lidhje me këtë nismë, iniciativa parashikohet të propozohet nga Kuvendi. Eksperët e vlerësojnë këtë nismë, ndërsa sugjerojnë që të rishikohet niveli 15%.

 

Të gjithë qytetarët që kanë një banesë për të shitur do të mund të përfitojnë nga amnistia, e cila pritet të hyjë në fuqi vitin tjetër dhe parashikon një ulje të taksës që i paguhet shtetit për çdo shitje apartamenti nga 15% që është aktualisht në 2%.

Edhe pse në paketën fiskale nuk ka detaje në lidhje me këtë nismë aty parashikohet se efektet nga rivlerësimi do të jenë 4 mld lekë.

Ndërkohë që më të detajuar këtë proces pritet ta prezantojë Kuvendi.

Sipas kësaj skeme, poseduesit e një prone do të paguajnë 2 për qind të diferencës që del nga çmimi në kontratën e parë, me vlerën që del nga rivlerësimi.

Aktualisht nëse një pronë është blerë 100 mijë euro dhe shitet 150 mijë euro, qytetari paguan 15% të diferencës 50 mijë euro pra 7500 euro.

Ndërkohë nëse skema e rivlerësimit miratohet, për të njëjtin  rast paguhet paraprakisht  2% e 50 mijë eurove ose 1 mijë euro.

Agjentët imboliarë e shohin si një nismë shumë pozitive rivlerësimin.

Inxhinierja, Xheni Jahja, sugjeron të gjithë qytetarët të përfitojnë duke u drejtuar në Hipotekë ose tek një vlerësues pasurish.

Jahja: Është varianti i parë në të cilin qytetari duhet ti drejtohet zyrave të pasurive të paluajtshme, duhet të shkojë të paraqesë kërkesën dhe vetë Hipoteka i sjell në çmim fiskal. Dhe varianti i dytë, duhet të drejtohet te një vlerësues i pasurive të paluajtshme, i cili realizon një raport vlerësimi dhe e sjell pronën në çmim tregu.

Jahja shprehet se taksa 15% shihet shpesh herë si pengesë në shitjen e pronave dhe shumë pronarë deklarojnë vlera fiktive.

Jahja: Që kur u mbyll herën e kaluar pronat filluan të merrnin një rritje fiktive të çmimit për të përballuar taksën e pronës.

Përgjatë 10 viteve janë aplikuar 4 skema rivlerësimi. Fillimisht tatimi u përcaktua 1 për qind, duke u rritur më pas në 2 për qind.

Synimi mbetet në formalizimin e këtij tregu, por duke sjellë dhe më shumë të ardhura në buxhet.

Pagesa e tatimit 15 %

Prona 100 mijë euro-7500 euro

Me rivlerësim  2%

Prona 100 mijë euro-1000 euro     

Rivlerësohen banesat, vetëdeklarimi në 2020 kundrejt tatimit të fitimit 2% nga 15%

Ora News 11/11/2019

FaLang translation system by Faboba

 +355 4 4809606 +355 672053361

Rruga Sami Frasheri, Prane selise se LSI, zona Bllok, Tirane.

Email: tiranarealestate@gmail.com; Skype: tirana.real.estate